Indonesian Arabic English French German Italian Japanese Malay Portuguese Russian Spanish

Admin Ucapkan Terima...

Terima kasih banyak atas kunjungan Anda ketempat rumah idaman kami, pelayanan yang terbaik kami berikan untuk Anda sebagai pelanggan atau member kami, yang selalu setia membeli produk Bakopi Asli...


Read More...

aYuk.. Beli.. Crocek...

Jangan khawatir untuk masalah harga karena sesuai dengan motto dari pada memilih laba dari pada pelanggan kami akan kehilangan keduanya. So.. Don't worry.. you and me happy.. Crocek Anda terjangkau...


Read More...

Bakopi Produk

Bakopi merupakan usaha asli tradisional dan termasuk salah satu usaha yang maju dalam motivasi cerminan pelestarian khasanah UKM - UKM yang berada di seluruh daerah Nusantara.


Read More...

Berkreativitas

Berkreativitas kreatif otak perlu inspirasi.. Ya di Bakopi aja!.. Bubuk kopi tradisional Aceh untuk kita semua cita rasa lezat dan nikmat.


Read More...

Kopi Tradisional

Bakopi bubuk kopi tradisional Aceh; Jika kami lebih memilih laba dari pada pelanggan, maka kami akan kehilangan keduanya


Read More...

Kumpulan Produksi

Kumpulan Produksi Bakopi Meulaboh Aceh Indonesia telah nyata dirasakan oleh pihak kalangan luar Aceh.


Read More...

Legalitas Bakopi

Legalitas Bakopi Kopi Aceh ini telah mendapatkan paten merek dari HAKI dan telah memiliki legalitas usaha yang nyata.


Read More...

Motto Bakopi

Motto dan nasehat Bakopi Dalam Kreatifitas dan Aktifitas Sehari-hari dapat memberikan motivasi kepada para karyawan-karywati oleh M.Nasir Bako.


Read More...

Produk Kemasan

Meningkatnya produksi mendorong Bakopi Tradisional Aceh untuk cetak kemasan yang baru dan telah diluncurkan, pesan sekarang juga.


Read More...

Produk Tradisional

Produk Asli Tradisional Aceh Bakopi merupakan produksi asli produksi secara tradisional yang sudah profesional dalam membuat kopi menjadi produk yang terpopuler Khas Bubuk Kopi Tradisional Aceh.


Read More...

Progres Bakopi

Produksi Bakopi kian hari semakin meningkat dikarenakan konsumen sudah mulai merasakan nikmatnya Bakopi TOP One Order Bakopi Asli rasa Nyahlezi, Nikmat dan Lezat.


Read More...

KM 1

KM 150 Gr Kopi Murni Harga 1 buah Rp. 15.000,- Kopi Murni Harga 2 buah Rp. 30.000,-

KM 2

KM 150 Gr Kopi Murni Harga 3 buah Rp. 45.000,- Kopi Murni Harga 4 buah Rp. 60.000,- Kopi Murni Harga 5 buah Rp. 75.000,-

KM 3

KM 250 Gr Kopi Murni Harga 1 buah Rp. 20.000,- Kopi Murni Harga 2 buah Rp. 40.000,- Kopi Murni Harga 3 buah Rp. 60.000,- Kopi Murni Harga 4 buah Rp. 80.000,-

KM 4

KM 250 Gr Kopi Murni Harga 5 buah Rp. 100.000,-

SYAIR TSUNAMI

 
Assalamualikom saleum lon layang
Keurakan-rakan bandum  syedara
Nibak saat nyoe ta cuba ulang
Bencana alam tujoh thoen nyang ka
 
Alhamdulillah pujoe ke Tuhan
Uroe ngon malam gob nyan kuasa
Silaweut saleum ubak janjongan
Pang ulee alam Rasul Ambia
 
Keu ahli wareh ngon andai tolan
Sahbat janjongan seurta keuluarga
Jinoe tadeungoe selayang pandang
Kisah ta ulang  keubah bencana
 
Bak uroe Ahat di jeum poh lapan
Donya meuguncang digok lee geumpa
Buleun dua blah tangga dua nam
Dua ribee peut nyan teuka beuncana
 
Ureung meuratep si panyang jalan
Ingat keu Tuhan ucap istighfa
Hatee meunyab-nyab nibak watee nyan
Gadoh pikiran teumakot raya
 
Gadoh ngon pikee hatee dum bimbang
Aneuk deungon nang han meuhoe mita
Gadoh ngon gaseh hana lee sayang
Gadoh ingatan Bandum manusia
 
Timue ngon barat utara selatan
Gadoh pandangan pikiran fana
Sang-sang kiamat dalam pandangan
Pikiran bimbang lam haroe –hara
 
Teupuroe hancoe dumna bangunan
Ureung di dalam siotengoh fana
Siat oh leuh nyan Allahu Akbar
Teuka geulombang lam laoet raya   
 
Phoen-phoen di suroet leuh nyan di riwang
Ban gunong manyang tedong meubanja
Lagee ie meulob putoh beundungan
Ilee pih keuncang ngon siklep mata
 
Di salop lee ie beena bangunan
Hancoe dum leukang kajeut keu paya
Han peu tatanyong ureng di dalam
Ngon ie geulombang ka safan-safa
 
Manyet teu tiek-tiek ban tabu bintang
Ka tinggai badan nyaewong tanlee na
Roe ngon ie mata seusak fikiran
Peulom watee nyan si goe- goe geumpa
 
Hana yuem harta pangkat jabatan
Hana pilihan gasien ngon kaya
Tuha chik putiek inong ngon agam
Nyan lam kandongan pih sajan diba
 
Rumoh meubanja geudong nyan manyang
Troeh jamboe rangkang pondok asrama
Keubon ngon teurnak nyan pih di hantam
Ngon perhiyasan bandum di hila
 
Hancoe ngon pasi reuloh ngon jalan
Putoeh jeumbatan kajeut kuala
Moto teutiek-tiek lam ie geulombang
Jieb pusoe kijang sedan ngon Honda 
 
Kayee meutamon di ateu jalan
Bekas banungunan nyan tan teusisa
Kulkas ngon tivi lemari pakaian
Sidi digital ngon parabola
 
Tilam ngon sifree reulee meukahan-khan
Komputer dokumen pih sajan diba
Meuh deungon perak mitasi penang
Ka gadoh sayang keu evorbia
 
Aquarium hancoe ngon ungkoet lohan
Kartu sayangan domino cina
Hancoe dum reulee cupee ngon pingan
Batee ngon talam ambal ngon tika
 
Bot nyang di laot ateuh geulombang
Fery ngon tongkang udarat diba
Listrek teurpoeng raya raya hana ban
Hana meuhalang ie geulumbanag ba
 
Kayee ngon bak-u teuboet meu khan-khan
Matee binatang tanaman fana
Ureung meulangue dalam ie keuncang
Peusiblah badan peu seulamat jiwa
 
Pasie kuala kabupaten nagan
Ka keunong hantam sampee u banda
Nyoe pasie laen tan seubagoe nyan
Aceh selatan pidie utara
 
Bah Aceh timue hanthat lagee nyan
Na Seubagian simeulu abdya
Tapi simeulue puloe sinabang
Musibah leuhnyan dig ok lee geumpa 
 
Watee Tsunami han parah meunan
Puloe haloban Singkil lom teuma
Ngon puloe banyak runtoeh bangunan
Aceh Sinabang Nias Sumatra
 
Puloe banyak ditroen Simeulu manyang
Tangga dua lapan leuh troeh ie raya
Puloe banyak paseung mon thoe sinabsng
Kadang na tinggai meu-ubah rasa
 
Gunong sitoli nyan pih di guncang
Nias meu-ulang Tsunami geumpa
Akhe dua ribee peut tangga dua nam
Phoen-poen di hantam geumpa ie raya
 
Leuh nyan buleun lhe tangga dua lapan
Dua ribee limong kalom ngon geumpa
Sumatra Utara Aceh Darussalam
Cobaan Tuhan meutimpa-timpa
 
Dan Nanggroe laen Malaya Tailand
Banglades  saban deungon India
Geumpa Tunami beuncana Alam
Hakikat iman Tanyoe geucoba
 
Baroe tatee droe Tanyoe watee nyan
Doa ngon nazar  kajeut tabaca
Beuthat teungoh plung ingat keu Tuhan
Matee pikiran gadoh ngon rasa
 
Na putoh gaki na luka badan
Na putoeh meukhan jaroe ban dua
Na nyang meu seuphet deungon bangunan
Deungon reuntuhan ka luka –luka
 
Na nyang di anyot deungon Geulombang
Peu sadeu badan di ateuh seungka
Sampee troeh diba unangroe seubrang
Hingga meulang-lang  penang India
 
Na putoeh takue ohtee tapandang
Ulee ngon badan meupisah dua
Na nyang tan meuhoe kagadoh bayang
Peu mantong tinggai atau kafana
 
Na gadoh akai rusak pikiran
Aneuk  deungon nang meuturi hana
Nyang keudup trouma hanjeut tabayang
Hatee lam bimbang seusak lam dada
 
Bareh loen balek bek jeut keu bosan
Ujoeng matee an jinoe loen tuka
Lon tuka buhu loen balek arah
Ujoeng kalimah loen balek ngon –i
 
Uroe kaseuphoet langet kamirah
Pikiran susah seudeh han sakri
Bu-ie tan mupat pakaian basah
Teuka deuk ngon grah prut ka meucrie-crie
 
Peulom aneuk miet nyan mantong mirah
Di teuka ngon grah lakee bu ngon ie
Poma ka geumoe ayah ka susah
Hana rupiah lam keh sitali
 
Beuthat pih napeng lamkeh ka basah
Keudee tan teuhah bandum meugunci
Nyan hana keunong pih di toep bagah
Takoet di jarah barang ngon laci
 
Geumpa meuguncang  tanoh habeh crah
Dalam istilah geupa Tsunami
Di goyang habeh seuramoe meukah
Piasan Allah tanyoe geu uji
 
Nyanna seulamat dalam meusibah
Soe hatee goyah akidah lari
Soe nyan na saba hatee bek gundah
Geutanyoe pasrah seurahkan diri
 
Teuma nyan ladum  meutamah parah
Ka geumita gah ngon harta curi
Beena barang gob habeh geujarah
Toko geupeuhah geuphok ngon gunci 
 
Meuh ka deungon pheng pakaian mewah
Tip deungon kulkas tivi ngon sidi
Kuet wala kakuet geusukuet punah
Keupeu dak mewah barang tan suci
 
Teng minyeuk moto pih dipeh beukah
Kaca pih diplah di jarah isi
Kayee rumoh gob pih di peusiblah
Bandum dipinah hana  penghuni
 
Nibak watee nyan hudeb lam susah
Hana pat peugah lam nafsi-nafsi
Teuma oh leuh nyan keundak bak Allah
Seuphoet jih ka glah ceurah berseri
 
Teubuka hatee dum hamba Allah
Katroe sideukah meutubi-tubi
Troeh ngon batuan ngon palang merah
Kirem nafakah ubak peungungsi
 
Rab rata nanggroe keunoe jilangkah
Mangat bek susah ureung seurambi
Amerika inggreh feuranceh meukah
Singapur suryah ngon australi
 
Tailand korea deungon eropah
Malaisyia India deungon turuki
Jeupang ngon brunai ditem meususah
Kanada spanyol dan swis lagi 
 
PBB pih troeh bantu musibah
Troeh nanggroe jeuddah timtim Somali
Dijoek ngon tenda mangat bek susah
Jibi nafakah breuh ngon indomie
 
Soal makanan troeh bak ie lam glah
Ngon kuweh basah sampoe bak ruti
Ija seulimboet model eropah
Bek sijuek basah oh angen ilie
 
Deungon ungkoet plok lam kaleng mewah
Payah tapeuhah got that meupudie
Ngon ie aqua lam kaca meuglah
Troeh minyeuk simplah merek bergensi
 
Nyan saket tuboeh di satoh ceudah
Ubat jih meugah di lua neugri
Ngon leumoh leumboet di pubuet bagah
Sehat meutamah ngon got layani
 
Troeh Upeulosok Pih troeh jilangkah
Meususah payah ditem peuduli
Bareh loen balek rakan meutuah
Loen gantoe bagah deungon matee –o
 
Kapai di laoet raya-raya that
Meunyoe didarat meutabu moto
Di langet manyang le ngon peusawat
Rojeh goh lewat meumacam bagoe 
 
Jinoe takalon lagak-lagak that
Sabee di lewat bak tiep-tiep uroe
Dimee bantuan relawan meuhat
Jeut bek susah that rakyat lam nanggroe
 
Di joek ngon rumoh teumpat duek siat
Meu banja rampak takalon keudroe
Kana ngon dapu leupah meusigak
Teumpat boh hajat troeh kama manoe
 
Nyoe soal breuh bu ciet ka geucatahat
Meunyoe katroeh hat tangga ngon uroe
Jeut jak cok mantong kaleuh geu sukat
Kadang meukarat jioeh that bak woe
 
Geubri ngon balee teumpat ibadat
Hukoem syariat tanyoe geu peutoe
Kadang relawan pih taat-taat
Geu bombing ummat bek tuwoe keudroe
 
Geujoek deungon buet meunuroet tingkat
Gaji geu angkat mangat glah keudroe
Na nyang peugleh lueng bek ie teu sumbat
Na nyan mangat that keu supee moto
 
Na sampoh jalan abee jih le that
Na nyan meu lalat peunyaket beu-o
Na duek bak gudang barang geu catat
Tamong ngon tubiet peusapat D-O 
 
Na nyan meu agen mita hareukat
Peu siwa rumoh ka deungon moto
Geu mita untoeng deungon si keujab
Carong geu sungklap bak barang gob poe
 
Teuma nyan ladum na rumoh gab-gab
Bak ureung barat peu kontrak sigoe
Peulom rumoh nyan luah meu tingkat
Sewa raya that gohna ta deungoe
 
Rojeh tan tangieng  peng le` meuikat
Sitoen peukontrak habeh lam awoe
Yum siploh juta nyang ka meuhai that
Jinoe hai sahbat hanpeu tahiroe
 
Keu suai breuh bu cit ka geusukat
Modal hareukat  nyan pih geupakoe
Modal usaha jinoe habeh jab
Geubantu leugat ubak geutanyoe
 
Geubrie bantuan geujok ngon alat
Modal ta meukat nyan pih geuhiroe
Peugot keulompok jeut mangat kompak
Saban derajat si A ngon si O
 
Keulompok sayur ungkot lam pajak
Keulompok becak ngon tukang beusoe
Industri ubeut penggileng alat
Keulopok meukat dagang bloe publoe
 
Kelompok bengkel meusen geurehab
Lee lom hai sahbat hanpeu lon pasoe
Peugot proposal beu sapeu pakat
Geubantu leugat bek buet sidroe-droe
 
Bareh lon balek titek lon tuka
Mangat seulera oh watee takeun
Kadang sigoe-goe di teuka hawa
Taboeh irama mangat ta jangeun
 
Umpama tajak rumoh syedara
Reumeh ie muka tika ka geuleung
Lagee di gampong dum ureung tuha
Bak mayum tika meujangeun-jangeun
 
Tawoe lom kisah ubak seumula
Pangkai ceurita jinoe ulon keun
Geumpa seunom ie dahsyat lagoi na
Beuna tabaca tapeuyuem-peuyuem
 
Peu keuh beutoi malapeutaka
Peu keuh geucuba bak tanyoe bandum
Bek sampee tuwoe oh troeh lam tenda
Gadoh istghfa hana soe lee keun
 
Teuka ngon beu o ubak kerija
Meuharap gob ba sabee geunab jeum
Meuyoe ka puleh peunyaket trouma
Ta beudoh lanja bek lee lam naleung
 
Di pikee tanyoe lee ureung lua
Ciet beu-o raya umpeun di suleung
Mantong teu-eh-eh di miyub tenda
Bek sampee bangsa tanyoe na gob keun
 
Kaseb  di bantu siuroe dua
Bek turoet hawa meubuleun-buleun
Beuthat di peugah rumoh di peuna
Bek harap raya ta banteng tuleung
 
Bandum hayalan bee angen syurga
Meunyoe kanyata baroe jeut takeun
Nyoe teungoh jinoe bek le` that kira
Habeh beulanja barang meuhai yum
 
Teungoh na breuh bu walau bak tenda
Ta cuba-cuba ta tubiet uleun
Donya kon bee bruek teudeuk meucula
Ci cuba buka kadeuh ngon buleun
 
Meunan keuh misee lon boh umpama
Bek sampee masa di peungeut lee nyum
Di gob di bantu to eh di kira
Bek roeh meuraba oh di woe bandum
 
Singoh teuduek-duek ban cangnguek sira
Meublek-blek mata oh hana ujeun
Nyang keujeut jinoe peugot keunira
Oh habeh masa hana meuraheung
 
Wahee e rakan bandum syedara
Dum peristiwa hana lee meuleung
Oh tee tadeungoe siaran berita
Angen ngon geumpa banjir ngon ujeun
 
Gunong beureutoh di tubiet bara
Tutong dum rimba matee ngon naleung
Di ek deungon ie  karam ngon donya
Hana ta sangka ka diek paseung
 
Angen turnado pih saboh gura
Di poet meuputa raya ngon teupeun
Nyoe soal karu ban saboh donya
Meuseunoh harta tahta ngon eumpeun
 
Musem kueng panyang nyangka biasa
Macam beuncana meukaleung-kaleung
Nyoe golom habeh laen ka teuka
Neu kalon nyata bek payah lon keun
 
Sabee keudroe-droe jitem meuda`wa
Di peugot desya tan le soe hireun
Ulama wafeut jeut-jeut kutika
Meugantoe hana han-ek taboh yum
 
Aneuk deungon nang di pubuet desya
Han geukira haleu ngon hareum
Silaturrahmi reunggang tiep masa
Deungon teutangga  dan adek aduen
 
Lon tuka ujong lon balek arah
Jeut mangat ceudah oh taboh lagu
Nibak taduek-duek taproh beurakah
Nyoe pat na naskah didalam buku
 
Tawoe bak asai rakan meutuah
Bek na taubah peusan endatu
Peuteupat gareh ban hukom Allah
Seuramoe meukah nanggroe masyeuhu
 
Nanggroe keuramat dalam seujarah
Khutub naseubah bek tapeukaru
Khutob keuramat jinoe lon peugah
Neujak tala`ah laju bak teungku
 
Beuntuk lee sagoe lagak ngon cidah
Sang surban syiah oh watee ta-eu
Teuka geutanyoe ka tapeucaprah
Larangan Allah ka tapeusakeu
 
Zina ngon judi khamar di seupah
Meutamah-tamah ngon sabu-sabu
Taki ngon sulet meudarah gapah
Ka di meumukah tsumma na`uzzu
 
Pakir ngon miskin han soe lee papah
Si yatim susah hana soe lee-eu
Le ueung kaya hudep jih mewah
Nyang susah-susah han geutem bantu
 
Meunyoe geutulong beuna peunayah
Deungon rupiah pangkai meu iku
Sianeuk dua ujong meutamah
Renten geupeugah ngon bahsa maju
 
Beuthat saboh nang seujalur darah
Aneuk deungon yah bon jih tan laku
Maka lagee nyoe geubri le Allah
Geujok musibah barat ngon timue
 
Meusjid le seungeu deungon meunasah
Ka gadoh surah neubeut bak teungku
Al`qur`an meutoep han soe lee peuhah
Koran majalah peudoman umue
 
Keubudaya gob galak sileupah
Ala eropah tanyoe peumaju
Poma ngon aneuk seureuta ayah
Peugot ngon kemah oh troh bak minggu
 
Sie deungon kameng bungkoh bu kulah
Me ngon peukakah toeng nyang di musu
Bak bineh pasie meuriti kemah
Dangdut meuriah dendang meulayu
 
Di gob seumambot tanyoe ju darah
Jak peumeuriah cot deungon iku
Wahee syedara rakan meutuah
Kon peugah-peugah nyata ka ta -eu
 
Nyang leubeh seudeh jinoe lon peugah
Aneuk ngon nambah adab ka tabeu
Pakayan keuthat arat sileupah
Asoe meu ulah capah meurambu
 
Di ureung agam pih leubeh parah
Pakayan meuklah geusok sileuweu
Padahai gob nyan keu wali nikah
Geupikee salah golom seb umue
 
Meunyoe lagee nyoe rakan meutuah
Singoh geutamah bala geutabu
Le lom nyang laen golom geutumpah
Bumoe di muntah meunghambo pusu
 
Gunong beureutoh bara di muntah
Piasan Allah jinoe geuyue -eu
Gunong sinabong phoen-phoen meu-ulah
Pakiban susah pat lakee bantu
 
Wasior banjir hanpeu tapeugah
Ile ie limpah rumoh jiba hue
Ramee meuninggai dalam ie bobah
Gunong dum beukah peuna di lireu
 
Geumpa di padang  ureung dum susah
Meutawai parah tsunami bahue
Padum le konban hanpeu tapeugah
Peulom takisah di aceh ta-eu
 
Nyan golom aman meurapi muntah
Rakyat barullah na habeh umue
Di dalam abee seu uem sileupah
Beureutoh beukah gunong di musu
 
Nyoe soal banjir ka lam seujarah
Leuh uteun dicah ie ilee laju
Laen lom lagee ureung seurakah
Han puas-puas peuturot nafsu
 
Harta negara habeh dijarah
Rakyat lam susah hanpat mengadu
Maka jeut riyoeh rata daerah
Bacut hana paih di teuka karu
 
Lapangan keuraj pih cukop payah
Lahe peurampah nyoe meunoe laju
Dak ureung kaya hudep pih susah
Hoe nyang geulangkah lam ragu-ragu
 
Oleh karna nyan rakan meutuah
Ingat keu Allah lam jeut-jeut waktu
Talakee  ampoen peu-peu na salah
Jeut bek musibah meutabu-tabu
 
Ohnoe keuh mantong haba lon peugah
Meunyoe na salah bek jeut keu lucu
Jampang na watee singoh tatamah
Saleum ukhuwah bandum lon tuju.
 
Radio RRI nebri ya Allah
Beuneubri beurkah meutamah maju
Seuluruh polosok rata daerah
Tadeungoe mudah jeulah deungon su.
 
 
 
 
 
 

Tags: Aceh Coffee Indonesia

Downloadhttp://bigtheme.net/joomla Joomla Templates

Jualan Bakopi

Apakah Anda berminat mencoba cicipi Bakopi asli rasa inspiro nikmat dan lezat dari Aceh ?.

Pesan Langsung

Bagi luar daerah langsung saja via.SMS HP dilayanan: 0811 6803 109. An. M.Nasir Bako.

Member Kami

Mau bergabung untuk melihat produk, formulir pendaftaran tersedia!

Bakopi Version. Built with HTML5 and CSS3 © 2016. Support By. eMOENHOST.cOM. Provider By. NCR
Semua Hak Cipta Dilindungi Copyright © 2011 Application Oleh YOOtheme

We have 30 guests and no members online