Hasil gambar untuk google Hasil gambar untuk yahoo Hasil gambar untuk facebook.com Hasil gambar untuk twitter.com
Indonesian Arabic Chinese (Simplified) English French German Italian Japanese Portuguese Russian Spanish

Pasal III

 

ALFASHLUTS TSALITSU FIBAYANI MAA YAJIBU
`ALAA RASUU LILLAHIL MUKALLIFIL MA`RIFAH

 

Pasal nyang keulhee jinoe loen peugah
Ateuh mukallaf wajeb teurata
Miseu wajeb takeunal Tuhan
Bak  Nabi meunan teulhee peukara

 

Wajeb bak Nabi na teulhee sifeut
Nyan phoen Siddiq makna jih beuna
Hartoe Siddiq hana salah
Ban nyan titah neuopeu nyata

 

Misee neukheun sidroe Tuhan
Uabk insan neupeu khaba
Bak droe buet nyoe sidroe Tuhan
Nyan neukheun nyan nyoe keu beuna

 

Dhaher baten beuna Nabi
Suroeh Rabbi neukeurija
Hantom salah pih meusigoe
Hantom tuwoe keu Rabbana

 

Suroeh Allah dum neupeugah
Zikir Allah hana reuda
Desya raya ngon desya cut
Hantom roeh buet neukeurija

 

Dilee bak wahyu dudoe bak wahyu
Desya dhahier han neubawa
Pue nyan neukheun oleh nabi
Takeutahui droe buet jih na

 

Miseu neukheun matee saket
Miseu geubangket lam keureunda
Miseu neukheun na qiamat
Miseu nikmat lam syiruga

 

Miseu Nabi ingat keu ummad
Ureung maksiet balah neuraka
Nyan neukheun nyan wajeb iman
Bah keuh dum nan makna beuna

 

Dua Amanah sifeut Nabi
Deungoe loen kheu krie jinoe makna
Hartoe Amanah percayaan
Peu suruhan han meutuka

 

Peu nyan geutroeh nyang geukawai
Hana sagai neupeutuka
Hana sapeu pih neu ubah
Hantom salah neukeurija

 

Nyang na neuba sunat feurlee
Haroes pih mee Tuhan redha
Hana neutuka suroeh ngon teugah
Han ubah suroeh Rabbana

 

Ohnoe habeh makna Amanah
Jinoe loen tamah nyang keutiga
Keuteulee Tabligh sifeut Nabi
Nynoe  loen kheun krie ubak gata

 

Peu nyang geuyue troeh geu inthat
Hanjan si-at neukeurija
Pakiban neukheun dum neupeugah
Han neukeubah ladum khaba

 

Hana neusom pih mubacut
Hana geu yoe neupeukhaba
Yang  nyoe suroeh nibak Allah
Dum neupeugah sigala doenya

 

Bahlee jipoh bahlee jicang
Bahlee jiprang pih neuridha
Nyan suroeh phoe han neutulak
Meuski jitak pih han geunta

 

Adak jiprang pih neulawan
Suroeh Tuhan neupeu teuka
Ureung nyang kapee neuyue Islam
Uroe malam hana  reuda

 

Soe han Islam neupeutakoet
Neuyue reuboet dum hareuta
Harta neuyutueng kapee neuyue poh
Kapee bid`ah  asoe nuraka

 

Sahabat teuh lhee that pahlawan
Nyang ek lawan kaphee ceulaka
Miseu Hamzah Ali yang kuwat
Nyang ek mee brat siploeh gunca

 

Pat neudeungoe kaphee neulawan
Neuprang sajan leet ngon  kuda
Na dum pih le rakyat matee
Nyuem karam lee asoe  doenya

 

Suara naban geumuroeh hebat
Pinsan rakyat sigom doenya
Oh meurumpok ngon sitiree
Neusuet dilee peudeung raya

 

Neucang kapee hana padoe
Si uroe-uroe siploeh laksa
Ilee darah naban sungai
Sang siekeujab ujeun teuka

 

Agam matee inong balee
Kaphee seudee peudong subra
Nyan dum rakyat matee kayem
Kaphee han ditem masoek agama

 

Makna Tabligh ohnoe simpan
Ban teulee toulan ka samporna
Nyangkeuh nyan wajeb ubak Nabi
Nyang mustaheil pakri rupa

 

Yang mustaheil wahee thaleb
Miseu sulet Nabi dusta
Miseu neutuka amar ngon nahi
Ubah janji neukeurija

 

Miseu neuyue ban suroeh Tuhan
Neupeutroeh han ubak hamba
Nyang keuh miseu  wahee toulan
Dum nyang la-en seubagoenya

 

Yang mustheil kaseuleusoe
Jaiez jinoe loen peunyata
Hartoe jaiez meungharuskan
Deungoe toulan loen peukhaba

 

Haroes bak Nabi neumeukawen
Peu nyang la-en seubagoenya
Miseu makan nyan ngon minum
Saket badan mangat pih na

 

Misee neumeukat deungon neumugoe
Buet publoe mubloe neukeurija
Nyang keuh toulan harus bak Nabi
Beu tauri oleh gata

 

Nyang keuh sifeut Nabi-nabi
Habeh loen peuri mangat jeut nyata
Meurat Nabi jinoe loen peugah
Rasulullah ban sineuna

 

Muhammad pih roh la-en pih sajan
Meuna toulan sifeut nyangka
Wajeb bak Nabi deungan bak  Allah
Lam kalimah masoek jih na

 

Kalimah Rasul kalimah Tauhid
Beuthat keubiet takeurija
hingga meusra makna kalimah
Asoe ngon darah ubak gata

 

Makna kalimah na dua ban
Deungoe toulan loen calitra
Saboh dhaheir dua bathen
Lam kandongan kalimah mulia

 

Makna dhaher ubak hatee
Tashdiq Qalbi Iman nama
Ingat hatee tutoe lidah
Peu nyang leumah kalon mata

 

Peuji deungoe lee geulinyueng
Peunyang jicoem hidoeng dua
Peu nyang jimat oleh jaroe
Meujak hoe-hoe gaki dua

 

Ji-ek saksi oleh hatee
Uroe pagee hana lupa
La Ilaha Illallah
Kheun ngon lidah hatee pantah ingat makna

 

Hana Tuhan yang di seumbah
Hanya Allah yang sibeuna
Makna laher lam kalimah
Geunap limong ploeh kureung hana

 

Makna toulan ta keutahui
Tatanyong kri bak ulama
Makna baten buatan nyawong
Nama ihcsan ngon sir syita

 

Tashdiq nyawong makna kalimah
Hanya allah Zat sibeuna
Hanya Allah Zat yang wajeb
Wajeb tsabeit Qadim Baqa

 

Hanya Allah Mukhalafah
Wahdaniyah Zat yang Esa
Hanya Allah Qiamuhu
Zat Tuhanku hanjeut hingga

 

Sikureung-kureung makna bathen
Bak ureung `awam nam boh makna
Haba loen nyoe biet tatukrie
Ahli sufi that sibeuna

 

Meungucap zikke sunggoeh hatee
Beusajan lee ngon irama
Supaya neu ampoen oleh Tuhan
Nabi meunan neumeusabda

 

Kheun ngon lidah deungoe geulinyueng
Hatee sajan ingat makna
Sabda nibak Nabi Allah
Deungoe loen peugah ubak gata

 

Saboh tameh nama maknikam
Mirah hitam get that wareuna
Diyub `Arasy Tuhan peudong
Troeh bak ikan yang mee doenya

 

Baranggasoe ucap zikkee
Sunggoeh hatee harap redha
Meugrak `Arasy tameh sajan
Seurta iakan nyang mee doenya

 

Firman Allah ubak `Arasy
Kaiem dikah bek that geunta
Seu-oet `Arasy tameh sajan
Han uloen iem Ya Rabbana

 

Hingga neu ampoen ureung nyang zikee
Baroe hanlee meugrak hamba
Firman Allah ubak `arasy
Ampoen habeh seukalian desya

 

Ureung nyang zikee khalish hatee
Desya hanlee bak anggota
Geuboh saksi langet bumoe
Dum ngon asoe jih bandua

 

Pagee meuhat jih lam jannah
Han geupinah seulama-lama
Deungoe `Arasy firman Tuhan
Meugrak goyang sungap teuma

 

Nyan dum toulan faedah zikkir
Sunggoeh hatee takeurija
La Ilaha Illallah
Peurintah Allah seu-umue masa

 

Pasal nyang keu lhee ka seuleusoe
Nyang peut jinoe  jak takira

 

singgah sebentar ya

 


 

perbaikan hal24…………

sumber ;

Tags: Kopi, Bubuk, Tradisional, Aceh, Nanggroe Aceh Darussalam, Provinsi Aceh, Bakopi Meulaboh Aceh Barat, Kuta Padang, Jalan Manekro, Kecamatan Johan Pahlawan, Kabupaten Aceh Barat.

Downloadhttp://bigtheme.net/joomla Joomla Templates

Bakopi Version. Built with HTML5 and CSS3 © 2016. Support By. eMOENHOST.cOM. Provider By. NCR
Semua Hak Cipta Dilindungi Copyright © 2011 Application Oleh YOOtheme

We have 21 guests and no members online

Kopi Tob A KM Kemasan
Mantab Rasa Di Lidah
Kopi Terlaris Di Pasar
Konsumen Penjualan
Dengan Memesan Kopi
Rasa Bakopi Anda
Kopi Tradisional Aceh
Memang Nikmat.

Cabang Nagan Raya

Kebutuhan produksi yang semakin meningkat, mengharuskan Bakopi untuk mengembangkan sayap kesuksesan dalam memenuhi kebutuhan

Read more ...

Populer Produk

Produk terpopuler saat menjadi pesanan baik tingkat lokal maupun luar daerah dengan khas dan cita rasa yang nikmat membuat para

Read more ...

Bakopi Tradisional Aceh

Bakopi Meulaboh merupakan salah satu usaha home industri traduisional Aceh yang sekarang sedang berkembang mengikuti program

Read more ...

Hasil gambar untuk google Hasil gambar untuk yahoo Hasil gambar untuk facebook.com Hasil gambar untuk twitter.com