Hasil gambar untuk google Hasil gambar untuk yahoo Hasil gambar untuk facebook.com Hasil gambar untuk twitter.com
Indonesian Arabic Chinese (Simplified) English French German Italian Japanese Portuguese Russian Spanish

Pasal ke. V

Alfashlul Khamisu Fibayaanith Thaharatillatii

 

Baitihaa Wa Aqsaamil Maa i

 

Pasal keu limong jinoe loen kheun krie
Bah meusuci sinoe nyata
Ngon bagi ie loen boeh sinoe
Deungoe adoe loen peunyata

 

Suci hatee saboh bahagi
Nibak deungki deungon ria
U`joeb teukaboe ku eh deundam,
Ureung Islam dum neucela

 

Nyang keuh beu get hee boh hatee
Peunyaket hatee beutajaga
Nyang tapubuet kareuna Allah
Bek mubee drah kareuna muka

 

Pubuet ibadat kaeruna Allah
Bek mubee drah kareuna doenya
Soe han suci najis Qalbi
Seumbahyang haji han sakon guna

 

Dua bahagi suci badan
Alat jih nyan dua peurkara
Alat nyang phoen tanoh suci
Dua bagi ie nyang safa

 

Ie sah tangui barabg kajan
Tanoh toulan meukutika
Tuboh saket ie han sapat
Nyang keuh troh hat tanoh mulia

 

Mita tanoh meunyucikan
Tiamom toulan yoeh nyan seugra
La-en nibak nyan ngon srah najis
Nyang that habeh ceumar lata

 

Miseu asee deungon ka deungon bui
Han sah suci meungkon dua
Meukon tajampu tanoh sajan
Han sah toulan suci gata

 

Soe han turi hukoem thaharah
Sia ibadah han sakon guna
Jinoe loen peugah hukoem thaharah
Suci jasat nibak ceuma

 

Fardhu suci na teulee ban
Deungoe toulan loen calitra
Bee beugadoh rasa beuhilang
Rupa tapandang pih bek nyata

 

Syarat suci ie yang muthlaq
Qiat munafak hana ceudra
Ie muthlaq tujoeh bagoe
Dengue jinoe loen peunyata

 

Saboh bagi ie muthlaq
Hujeun troen bak langet doenya
Keudua kakheuh ie meu aloen
Ie umbak nyang troen ie la-oet raya

 

Keuteulee bagi ie krueng dilee
Nyang jeut manoe hana ceuma
Keupeut bagi ie mon luah
Dua qulah asoe jih na

 

Ie mata ie limong bagoe
Nibak bumoe ilee keulua
Bagi nyang nam kakeuh ie mboen
Ie nyang ditroen di udara

 

Tujoeh bagoe nyan ie beuku
Oh seu um ju ilee rata
Ie muthlaq tujoeh bagoe
Habeh ohnoe loen calitra

 

Meunghimpoen ie dum peut bagoe
Deungoe jinoe loen peunyata
Bahagi poen ie muthlaq
Tujoeh titek bagi jih na

 

Ie nyang suci meunyucikan
Meukroeh jih han soe nyan bawa
Ie muthlaq meunyucikan
Ngon rah badan nibak ceuma

 

Ie seubahyang ngon tamanoe
Suci asoe jeut anggota
Ie muthlaq nyang troeh qulah
Hana ubah najis teuka

 

Hana ubah rasa ngon bhee
Miseu lagee yoeh peurtama
Dua qulah ie deungoe loen kheu had
Adak tasiphat taboeh hingga

 

Adak beujana nyan peut sagoe
Sihasta nam jaroe jeut-jeut punca
Lhoek pih sama di blah dalam
Ie nyan tafham dua qulah na

 

Adak buntok beujana nyan
Taklok pih meunan dua hasta
Luah babah pih na sihah
Dua qulah ie sinan na

 

Dua bahagi ie nyang meukroeh
Deungoe loen boeh lam calitra
Nyang jeut meukroeh seubab jih teulee
Bak meu adhee nyang peurtama

 

Dalam beujana Keunong palu
Sinan keuh dilee syarat keudua
Bak jih pakek oleh insan
Ohnan simpan syarat tiga

 

Nyang teulee syarat haseil meukroeh
Tatakoet taboeh sufaq teuka
Ie sijuek that ngon tutoeng that
Nyan pih meuhat meukroeh jih na

 

Seugala ie mon nakrue timue
Ie gampoeng luth meukroeh raya
Sebab salah asoe nanggroe
Tuhanku sidroe pumeureuka

 

Ie nyang meukroeh ohnoe simpan
Nyan teulee tuan jinoe takira
Keuteulee bahagi ie musta`mal
Han sah tangui ngon istinja

 

Han sah wudhu` ngon tamanoe
Ngon tarah droe qad nyang lata
Ie musta`mal nyangka teungui
Nibak fardhu nyanka teuba

 

Lagi kureung dua qulah
Nyang keuh hansah ta peuguna
Ie musta`mal habeh ohnoe
Nyan peut jinoe mee takira

 

Keupeut bahagi ie nyang najis
Lagi jeuneh loen peunyata
ie hat najis nyantroh qulah
seubab ulah najis teuka

 

peut bagi ie dua han sah
wajeb takeubah bek teulanta
ie nyang najis ngon musta`mal
wajeb tatinggai bek tabawa

 

ie nyang meukroeh tangui jan dak
ie muthlaq beuthat ta geuma
meukon ngon nyan han sah suci
keuh syafi`i imam kita

 

miseu ie urot ngon ie teubee
adak siribee qulah jih na
han sah suci ngon dua nyan
peu nyan la-en seubagoe nya

 

ie nyang kureung dua qulah
nyan pih han sah angkat pula
saboh syarat tangui dilee
bak fardhee nyang ka geuba

 

dua syarat teuka najis
Yoh nyan ubah ceumar nyata
Han sah wudhuk ngon tamanoe
Ngon tarah droe pat nyan leta

 

Seubab najis roeh dalam nyan
Hansah rakan nyoe ta istinja
Adak bangkee nyan han darah
Na jiet meu ah kheun ulama

 

Miseu sidom kumbang denden
Peu nyang la-en seubagoenya
Syarat meu ah ubah jih han
Lom nibak nyan kon tasahja

 

Hukoem suci wajeb tatuban
Siteungoh iman hasiel keugata
Miseu sabda Nabiyullah
Jinoe loen peugah ubak gata

 

Aththaharatu nishful Iman
Nabi meunan neumeusabda
Tameusuci siteungoh iman
Sah seubab nyan amal gata

 

Nyang le insan ta-eu jinoe
han meurunoe bak ulama
oh na ji-eu ie mubacut
Ngon nyan pih jeut keu istinja

 

Seumbahyang han sah manoe  han hasee
Ureung jahee tan agama
Ie seumbahyang hana  putoeh
Hadast tuboeh pih han reuda

 

Seumbahyang na tinggai han padoe
Jieh lam rugoe seugala laba
Peukeuh seubab nyan jeut meunan
Meuri ie han suci safa

 

Beurang kajan pajoeh najis
Seubab jih rah ngon ie ceuma
pat ji teumee ie nyang ceupak
Pat meurumpoek lueng sideupa

 

Ji meusuci lee disinan
Najis badan han jikira
Jaroe meunajis ija meuligan
Han ji tanyong ban ubak ulama

 

Pajoeh makanan hareum meuhat
Oh pagee teumpat dalam  nuraka
Misee nuekheun oleh Nabi
Lafadh loen brie sajan makna

 

Ayyu Lahmin Nabata min Haraamin
Fannaru aula Bihi
Neukheun asoe jeut nibak hareum
Neuraka jahannam pagee tamita

 

Peu ji teumee ji pajoeh lee
Siksa pagee lam nuraka
Makanan get ie pih meunan
Seubab han suci jeut keudosa

 

Makanan haleu jeut keu hareum
Seubab ji makeun sajan ceuma
Jimad najis jimat cawan
jirah han jan jicok sira

 

Jirah lee breuh jaroe mau abeuk
Kalang  gukee ka keu ek sukla
Meunan pasal ureung jahee
Han meusampee dum buet sia

 

Nyang keuh toulan tameurunoe
Pat tadeungoe na ulama
Peurlee ilmee bah meusuci
Deungoe loen kheun krie saboh bicara

 

Loen peuingat meusoe pateh
Gaseh Allah soe tem bawa
Badan beusuci ija beugleh
Troeh tika eh bek na leta

 

Bu ngon gulee beuna tatoep
Oh manok groep kutoe bek teuka
Cawan pingan beugot trah
Oh ta keubh tatoep beuna

 

Sira ungkoet leuh seumajoeh
beugot tatroeh tatoep sigra
Bek roeh ek tikoeh deungon cicak
bek tarueng jak habeh di cuca

 

La-en nibak nyan bandum beugleh
Troeh batee pipeh tapeulara
Jaroe suci dum peu tarah
Dua qulah ie tamita

 

Nyangkaeuh meunan wahee toulan
Suci makanan hana cela
Makanan Suci hatee peungeuh
Badan teuh pui mangat rasa

 

Hatee peungeh rizki mudah
Allah tamah beurkat teuka
Ureung suci gaseh Tuhan
Nabi meunan neumeusabda

 

Adak najan Haluwa taprah
Kulet pineung rah tapeulara
Tatroeh beugot  bek meu adee
Bek dijak asee keunan teuka

 

Khabar loen nyoe jeud a`zimad
Soe nyang ingat  bahagia
Teutapi  maklum duem keu sahbat
Loen peuingat jeut bek lupa

 

Khabar maklum nariet jamak
Loen boeh makna meusibanja
Bak beurunyoeng timoh di gunong
Hanyot bungong umieng kuala

 

Wajeb toulan tateumanyong
Pat han keunong tapareksa
Timue barat baroeh tunong
Neuteumanyong bak ulama

 

Hukoem suci wajeb tatuban
Dumna tuan wajeb meurunoe
Angen tunong di phoet meu -ue-ue
Angen timue meujan-jan uroe

 

Adak hanjeut tabeut nahu
Tamee bak Teungku kitab jawoe
Adak hana peut beuna keuh patoe
Dak hana taloe beuna keuh tima

 

Meunyoe hanjeut ciet tabeut jawoe
Tajak meurunoe ubak ulama
Ureung ibadah alem jieh tan
Han ubah ban weng meugisa

 

Kayee jijak han berhenti
Pulang peurgi ruk-ruk masa
Beungoh jijak seuphoet jidom
jieh hana tom troeh di bungka

 

Hoe nyan jijak keunan jiwoe
Seuphoet uroe teuka sinja
Geunap uroe jicawoe teumpat
Hana si at jarak tangga

 

Nyan keuh misee ureung deungu
Hana ilmu Dalam  dada
Ibadat na barang kajan
Maksiet keu Tuhan hana reuda

 

Nyang keuh ureung manyang si sosoh
jih lam teuboh angen timpa
Meunan keuh tansee ureung bingong
Tuboeh nyawong jih lam seksa

 

La Ilaha Illallah
Na`uzubillahi minha
Pasal nyang limong jinoe seuleusoe
Tatamong jinope keunam teuma

Sumber ; https://bakopi.wordpress.com/

Tags: Kopi, Bubuk, Tradisional, Aceh, Nanggroe Aceh Darussalam, Provinsi Aceh, Bakopi Meulaboh Aceh Barat, Kuta Padang, Jalan Manekro, Kecamatan Johan Pahlawan, Kabupaten Aceh Barat.

Downloadhttp://bigtheme.net/joomla Joomla Templates

Bakopi Version. Built with HTML5 and CSS3 © 2016. Support By. eMOENHOST.cOM. Provider By. NCR
Semua Hak Cipta Dilindungi Copyright © 2011 Application Oleh YOOtheme

We have 12 guests and no members online

Kopi Tob A KM Kemasan
Mantab Rasa Di Lidah
Kopi Terlaris Di Pasar
Konsumen Penjualan
Dengan Memesan Kopi
Rasa Bakopi Anda
Kopi Tradisional Aceh
Memang Nikmat.

Cabang Nagan Raya

Kebutuhan produksi yang semakin meningkat, mengharuskan Bakopi untuk mengembangkan sayap kesuksesan dalam memenuhi kebutuhan

Read more ...

Populer Produk

Produk terpopuler saat menjadi pesanan baik tingkat lokal maupun luar daerah dengan khas dan cita rasa yang nikmat membuat para

Read more ...

Bakopi Tradisional Aceh

Bakopi Meulaboh merupakan salah satu usaha home industri traduisional Aceh yang sekarang sedang berkembang mengikuti program

Read more ...

Hasil gambar untuk google Hasil gambar untuk yahoo Hasil gambar untuk facebook.com Hasil gambar untuk twitter.com